مابيك تدري بـ غلاك وينكشف امري ،، حلاته اني[عشقتك] وانت مب..داري!!

مشكله لاصرت معجب وخجلان



خوف المصارح لايجيب المطمه



اخاف اصارح بالغلا ذاك الانسان



ثم ينقلب جو المصارح مذمه



ويا شينها لاصرت مغرم وزعلان



محدن يراضي قلبك ومحدن يهمه



وان رحت محدن قال يا فلان



روحتك مع جيتك ماهي مهمه



وياشينها لاصرت عايش بحرمان



مثل اليتيم اللي فقد شوف امه



ماخوذ حقه وانظلم شوف الاعيان



واللي اظلموه عيال لحمه ودمه



وياشين صاحب دربك لاصار ثعبان



لاهو تركك ولا نفث فيك سمه



كنا اخوياونتسمى بالاخوان



واليوم اسمه با خبث الناس سمه



وياشينها لاصرت ناجح وندمان



وصلت قمه وغيرك باعلى قمه



مثل الامام العالم يفقه الاديان



يومه نجح والكل صاروا ائمه



وياشينها لاصرت تايه وحيران



وسط الطريق وباقي فيك همه



ودك تروح وباقي الدرب ما بان



تخاف تمشي ثم تغشاك غمه



وياشينها لاصرت مبلي ومنهان



والعلم كله من اكاذيب نمه



مافيه ضدك لا دليل ولا برهان



ودخان نارك مستحيلن تشمه



وياشينها لاصرت من روس الاعيان



ثم تنقلب في نظرة الناس رمه



ويلالالاه ياوقتن نوالي بعصيان



اثر الزمن ياناس مافيه ذمه



وياشين طرد المقفي ولو كنت ولهان



ياخذه شيطان الغرور ويخمه



يظن انك هايمن به وشفقان



مايدري انه لو فطس ماتهمه



وما اشين من معاشر قليلين لايمان



درب الهدايه لابد ماتتمه



العلم سجن وصاحبك فيه سجان



والعلم خال العز والجود عمه



وياشينها اصلن ومابقى شي ما شان



هذي الليالي طبعها مد لهمه



الشين والله شين غالين الاثمان



لاقام كلن رافعن فوق كمه



ويازينها لاصرت لاهي وطربان



وحبل القصايد يرتجيك وتلمه